หมื่อหรือดินปืน เป็นสิงจำเป็นกับวิถีชิวิตของคนอิสานสมัยก่อน เพราะเป็นต้องใช้ในการล่าสัตว์หาแนวอยู่แนวกิน(ใช้ร่วมกับปืนแก๊ป) มื้อนี้กะเลยนำเสนอวิธีการเฮ็ดหมื่ออันนี้เป็นสูตรของเฒ่าพ่อผม ผุได๋มีสูตรเด็ดๆกะเอามาเผยแพร่แหน่เด้อครับ อ้ายทิดศรีมีสูรเด็ดบ่

ขั้นตอนการทำหมื่อ

- เตรียมหาไม้มาเฮ็ดฟืน สูตรเฒ่าพ่อเพิ่นใช้ต้นหมากพริก เพิ่นบอกว่าสิเฮ็ดให้หมื่อแฮง

- เอาต้นหมากพริกไปตากแดดให้แห้ง

- ขุดหลุม ขนาดให้พอดีกับไม้ที่เฮาเอามาเฮ็ดฟืน เสร็จแล้วเฮากะเอาไม้หมากพริกวางลงในหลุม (หักต้นหมากพริกเป็นท่อนก่อนเด้อ)

- พอวางเสร็จแล้วเฮากะเอาไฟมาจูด คือเผาถ่านนี่หละ

- พอไม้หมากพริกไม้จนสุดแล้ว ให้เอาแนวมาวี (พัด) จนถ่านปลายถ่านมันซ้วย แล้วเฮากะเอาใบตองกล้วยมาปิดปากหลุมแล้วกะเอาดินมาถมไว้อีกที

- ในขณะที่เฮารอให้ถ่านมอด เฮากะเอา กำมะถันมา(มาด)ตำให้ละเอียด กะเอาพอประมาณ

- กะว่าถ่านมอดเบิ้ดแล้วเฮากะเอาถ่านมาผึ่งให้เย็น

- ที่นี้เฮากะมาเตรียมคั่วดินประสิว(ขี้เจีย) โดยต้มน้ำให้เดือด แล้วกะเอาขี้เจียลงไปพอขี้เจียละลายเฮากะเอาถ่านมาคั่วรวมกัน คั่วไปจนกั่วน้ำสิแห้งพอได้ที่แล้วเฮากะเอามาผึ่งไว้ (อัตราส่วนระหว่างถ่านกับขี้เจียกะคือ 4 ต่อ1 หรือ 3ต่อ1 เด้อครับ)

- เสร็จแล้วเฮากะเอาถ่านมาตำให้ละเอียดที่สุด ในขั้นตอนนี้ให้เอาหมื่อมาลองเรื่อยๆโดยแบ่งมาตากแดดจักน่อย แล้วเฮากะมาจุดเบิ่ง โดยจุดใส่กระดาษ ถ้าจุดแล้วกระดาษบ่ไหม้ถือว่าใช้ได้ ถ้าไหม้กะแสดงว่าถ่านยังบ่ละเอียดพอให้ตำและลองไปเรื่อยๆ จนกว่าสิได้ที่

- พอตำได้ที่แล้วเฮากะเอาไปตากแดด พอแห้งแล้วเอากะเอาขวดมาบดให้ละเอียด เอาแหยงเขียวมาร่อน

- พอร่อนเสร็จแล้วเฮากะเก็บใส่สะเนง สูตรนี้แจ่มคัก 8)8)8)

วิธีบรรจุกระสุนปืน ทำโดย เทหมื่อปืนประมาณ 1 สัดลงไป ยัดเศษกาบมะพร้าวตอกลงไปให้แน่น เทลูกตะกั่วลงไปตามจำนวนที่ต้องการจากนั้น ยัดเศษกาบมะพร้าวลงไปใช้เหล็กแหลมดันลงไปให้แน่น จึงขึ้นนกบรรจุแก็ป เมื่อสับไกปืน นกสับจะจุดระเบิดแก๊ปเป็นประกายไฟ ไปจุดระเบิดลูกปืนในกระบอกให้วิ่งออกไปทันที (ขึ้นอยู่กับว่าเฮาสิไปยิงอิหยังเพิ่มหรือลดตามสถาณะการณ์ครับ)

Url=http://www.baanmaha.com/community/thread7818.html

Video youtube=http://www.youtube.com/watch?v=gka91-NanfE